Kukhona kusitwa ngetimali
Kucinisa emandla etikhungo nemakhasimende.
Konga kwtimali etinhlanganweni letincane nakultinye takhiwo temdzabu njengabomasingcwabisane netitokifela.
UMBONONCHANTI
Kufaka ligalelo ekutfutfukiseni temnotfo nekulwa nebuphuya eNingizimu Afrika ngekuba yinkampani lenemndlandla ekubuketeni tinsita tetimali letincane.
Kwakha teluhwebo lwetinsita tetimali letincane lolunemfutfo eNingizimu Afrika.
UMGOMO
Kuniketa tinsita letisezingeni lelisetulu naletifanele tikhungo letisebenta ngetetimali letincane nge:
Kucinisa emandla etikhungo etinhlangano letibambisene nayo nemakhasimende ato kute kubuketwe kubamba lichaza kwato emisebentini.
Konga imali nekubolekisa ngemali kumabhizinisi lamancane nema-Retail Finance Institutions (RFIs) njengemitamo yekukhulisa ematfuba alabaphuyile ekufinyelela kutinsita tetimali nekwentiwa kancono imitfombo yabo yetimali kute baphile kancono
INDLELA LESITAWUSEBENTA NGAYO
Sikhwama se-Apex sitawusebenta netinhlangano lesibambisene nato kute sente umsebenti waso wekufinyelela emgomeni wekutsintsa ngeligalelo lelinemfutfo bonkhe lesifanele kutsi sibasite .
Macondzana nekongiwa kwetimali, kute indlela letsite lemisiwe nobe-ke lenconotwako kutsi isetjentiswe, esikhundleni saloko kukhutsatwa tindlela letinsha letimiselwe kutipiliyoni.
TINSITA TETIMALI LETINIKETWAKO
Kubolekisa ngetimali letincane kubantfu nemabhizinisi, tekutfutfukisa emabhizinisi lamancane.
Sikhwama sekulwa nebuphuya semakhasimende lahola imali lengaphasi kwa-R1500. Lenhlangano lebambisene nalesikhwama itawuhlola lenchubo ngekungekusebentisa emathulusi lacondze buphuya.
Kucinisa emandla esikhungo: ngaphasi kwaloluhlelo timali tikhishelwa kucinisa sikhungo nekucinisekisa kuchubeka kwekusebenta kwaso sikhatsi lesidze.
Kukhutsata konga: Loku kuyaphakamisa kukhutsate kwakhiwa kwetinhlangano tetimali naletinye tindlela temdzabu letasungulwa tekonga imali letifanana netitokifela nabomasingcwabisane kubekhona umcebo wendzawo futsi lotjaliwe.
I-Apex isebenta ibambisane netinhlangano letehlukene , ngako-ke kukhetfwa kwato ngalokufanele kubalulekile futsi kuchubeka njalo. Kulenchubo-ke, i-Apex iphakamisa emazinga etinhlobo letehlukene tetinhlangano letibhalisiwe leTitimele,titfunywa tetemisebenti tendzawo, titfunywa tetemisebenti letisebenta ngekutinikela, netigungu tisebentisa tindlela tekukhetsa letinconyiwe kute kulunge tintfo'
Uma i-Apex iphakamisa lizinga lenhlangano isebentisa imikhombandlela lecacile lengahlukahlukaniswa ngekuya kwaletinhlangotsi letilandzelako: kuhlela, umhleli, kuphatsa, kuhola, imitfombolwati lebantfu, indzawo yekusebentela, imisebenti leyentiwako, kusebenta lokwendlulile, tindlela tekuphatsa lwati, tindlela tekubuketa kusebenta kwetimali.
Kute utfole imininingwane lebanti shayela i-Apex kulenombolo:
